Конкурси
Повик за формирање на комуникациски тим на „Еко - Рома Индекс“
- Детали
- Објавено: Петок, 03 Март 2023 09:36
- Посети: 620
Здружението на граѓани „Ромаверзитас“ - Скопје во рамките на проектот „За поздрав и поурбан живот на Ромите“, финансиран од „Центар за истражување и информирање за животната средина Еко-свест“, објавува повик за формирање на комуникациски тим на „Еко - Рома Индекс“.
Оваа активност треба да информира, едуцира и промовира силно и живо граѓанско општество што ќе има значајна улога во процесот на декарбонизација, трансформација и обнова на општеството, што би резултирало со чиста животна средина, зелени економии и здрави граѓани во Македонија. Исто така, има за цел да создаде поединци кои активно ќе се вклучат во процесите на креирање и донесување одлуки на јавните политики на локално и национално ниво, за зајакнување на нивното критичко размислување и давање предлози за начини за позитивни промени во општеството.
Ќе ги опфаќа следниве теми: урбаното и одржливо живеење, жените и климатските решенија, образованието и климата, храната и климата, здравството и климата, енергетска сиромаштија и енергетска трансформација, промовирање на изворите на обновлива енергија, зелената инфраструктура, одржливо шумарство, водата и климата, отпадот и климата, одржлив транспорт, климатсконеутрални економии, руралните заедници и климатските промени.
Целта на оваа активност е зголемување на јавната свест, потикнување на дијалог и застапување на оваа проблематика кај помладата категорија на граѓани на средношколци и студенти како директните агенти за промена.
