Ромаверзитас - академска и друга поддршка на студенти Роми од Македонија
Одржана еднодневна работилница на тема: Техники на академско пишување
- Детали
- Објавено: Среда, 22 Февруари 2017 11:47
- Посети: 12804
На 18 Февруари 2017 беше одржана еднодневна работилница на тема: Техники на академско пишување. На оваа работилница присувствуваа студенти Роми од Скопје, Штип и Тетово кои се запознаа со основната структура на еден есеј, критичка анализа на туѓ текст (есеј), основните сегменти на добро напишан есеј (структура, техничка среденост, јазична правилност, стил), основни видови на есеј, основна структура на семинарски труд и разлики помеѓу есеј и семинарски труд.
Сите овие сегменти од работилницата беа успешно исполнети, а студентите преку интерактивни вежби во групи ги проширија своите знаења, дознаа каде ги прават најчестите грешки и успешно ги совладаа сите предвидени теми.
Оваа работилница беше испорачана од Благојка Здравковска-Адамова - доктор на филолошки науки и професор на Универзитетот на Југоисточна Европа. Работилницата на тема: Техники на академско пишување е дел од проекот „Ромаверзитас – академска и друга поддршка на студенти Роми во Македонија“, финансиски поддржан од Ромскиот Образовен Фонд (РЕФ), Будимпешта.