Ромаверзитас - академска и друга поддршка на студенти Роми од Македонија
Тродневен тренинг на тема: Раководење со проектен циклус и мобилизирање на средства
- Детали
- Објавено: Вторник, 02 Мај 2017 11:56
- Посети: 10357
Од 21-23 Април 2017 беше одржан тродневен тренинг на тема: Раководење со проектен циклус и мобилизирање на средства. На оваа работилница присувствуваа студенти Роми од Скопје, Штип и Тетово кои се запознаа со концептот на подготовка на проект, проектни методологии и програми за поддршка и дефинирање на тема за развој на проект за специфична донаторска програма.
Анализата на главните проблеми/предизвици (Дрво на Проблеми), изработката на логичката рамка и можните стратегии за финансирање на проекти/активности на здруженија беа оставени за вториот и третиот ден од работилницата во кои учесниците поделени во групи работеа на анализа на реален проект.
Сите овие сегменти од работилницата беа успешно исполнети, а студентите преку интерактивни вежби во групи ги проширија своите знаења.
Оваа работилница беше испорачана од м-р Адем Адеми. Работилницата на тема: Идентитет и Ромско движење е дел од проектот „Ромаверзитас – академска и друга поддршка на студенти Роми во Македонија“, финансиски поддржан од Ромскиот Образовен Фонд (РЕФ), Будимпешта.