Ромаверзитас - академска и друга поддршка на студенти Роми од Македонија
Средба со матуранти Роми
- Детали
- Објавено: Петок, 23 Јуни 2017 11:59
- Посети: 11106
Во соработка со Министерството за образование и наука на Р. Македонија на ден 20 Јуни 2017 година на Филозофскиот факултет во Скопје при Универзитетот „Св. Кирил и Методиј“ се оддржа настанот Средба со матуранти Роми.
Основната цел на оваа средба беше да се мотивираат идните матуранти Роми да го продолжат своето образование, да станат академски граѓани и активни чинители во целокупното општество, но и да се здобијат со корисни информации во однос на престојниот Конкурс за запишување на факултетите во Македонија и постоечките програми за стипендирање кои подржуваат студенти Роми.
На настанот говореа претставници од Министерството за образование и наука, Управата за развој и унапредување на образованието на јазиците на припадниците на зедниците, Здружението на граѓани „РОМАВЕРЗИТАС“ и Програмата за стипендирање во рамки на Ромскиот Образовен Фонд (РЕФ) од Будимпешта.
Свој придонес на настанот дадоа и тројца млади Роми кои го споделија своето успешно искуство за вклучување во високото образование и пазарот на трудот.
Во пријатна атмосфера присутните матуранти се здобија со корисни информации кои несомнено ќе им бидат од голема важност за понатамошните активности во процесот на интеграција во високото образование.
Овој настан е дел од проектот „Ромаверзитас – академска и друга поддршка на студенти Роми во Македонија“, финансиски поддржан од Ромскиот Ообразовен Ффонд (РЕФ) од,Будимпешта.
