Новости
Проект за зголемување на образовните можности
- Детали
- Објавено: Сабота, 22 Декември 2018 11:05
- Посети: 1369
Нов проект за зголемување на образовните можности на студентите Роми од Западен Балкан и Турција почнуваат Европската Унија и фондацијата Отворено Општество. Проектот е имплементиран од Ромскиот образовен фонд (РЕФ) и ќе придонесе до подобрување на вработувањето на младите Роми преку обезбедување непрекината транзиција на студентите од образование до работно место.
Кристијан Даниелсон (Christian Danielsson), генерален директор за европска политика на соседство и преговорите за проширување, при потпишувањето на проектот потенцира дека треба да се намалат разликите во вклученоста во образованието меѓу младите Роми и не-ромите.
„Проектот што го започнуваме се посветува на овој предизвик - овозможување подобри можности за младите Роми кога ќе го завршаат своето образование и ќе почнаат да живеат во светот на возрасните“, потенцира Даниелсон.
Според заменик-претседателот на Фондација Отворено општество, Александар Сорос, повеќе од три децении Фондацијата е посветена на образование на Ромите, справување со дискриминацијата и недостигот на можности со кои се соочуваат.
„Видовме дека Ромите успеваат во образованието доколку имаат соодветни можности. На Западен Балкан, нашата соработка со Европската Комисија, Ромскиот образовен фонд и други локални групи се клучот за тоа. Јавната посветеност на неколку лидери од регионот има значајна улога и обезбедува дополнителен моментум во овој процес“, вели Сорос.
Обезбедувањето еднакви можности за Ромите преку образование и вработување не е само морална и социјална потреба, туку е и економска неопходност. Затоа што, „Roma Survey 2017“ покажа дека во земји како што е Србија, во следните 15-20 години, граѓаните од ромско потекло може да претставуваат помеѓу 14-29 проценти од вкупниот број учесници на пазарот на трудот. Сепак, низ регионот, стапката на ранливи категории Роми во средното образование во просек е 20 проценти во споредба со не-Роми 84 проценти; измеѓу 62 и 82 проценти од младите Роми не се вработени и не се вклучени во процесот на образование и обучување во споредба со 24 и 30 проценти од не-Роми.
Проектот ќе трае три години и ќе го имплементира РЕФ, во соработка со државните и локалните власти за образование и вработување, ромски невладини организации и локални граѓански општествени организации.
Дополнителни информации на следниот линк
