Конкурси
Повик за споделување на успешни животни искуства со регулирано собирање и селектирање на отпад
- Детали
- Објавено: Четврток, 13 Април 2023 10:53
- Посети: 594
Здружението на граѓани „Ромаверзитас“ - Скопје во рамките на проектот „За поздрав и поурбан живот на Ромите“, финансиран од „Центар за истражување и информирање за животната средина Еко-свест“, објавува повик за ангажирање на лица кои ќе ги споделуваат своите успешни животни искуства со регулирано собирање и селектирање на отпад.
Со оваа активност треба да се информираат маргинилизираните лица и лицата во ризик за можностите за ефектуирање и регулирање на нивните нерегистрирани и нерегулирани работни активности. Целта на оваа активност е да се придонесе за отварање на зелени работни места, поттикнување на свеста и значењето на нивниот ангажман за придонесот кон општеството во целина, зголемена заштита на животната средина, зголемување на нискојаглеродни економии и зелена трансформација и зголемување на капацитетите, знаењето и вештините.
Лицата кои ќе бидат селектирани, а кои веќе имаат успешна животна „приказна“ со регулирано собирање и селектирање на отпад ќе имаме организирана посета во мапираните области и ќе ја подигнуваме свеста кај луѓето за овој вид на ангажирање и работење.
Мапирани области: Ќерамидница, Шуто Оризари (Ул. Брсјачка Буна), Кванташки пазар, Злокуќани, Топанско Поле и Ѓорче Петров.
