Ромаверзитас - со поддршка за развој кон лични и колективни еднакви пристапи и можности
Вклучување на матуранти Роми во високото образование
- Детали
- Објавено: Петок, 08 Јуни 2018 14:31
- Посети: 10918
Матуранти Роми од повеќе градови на Македонија имаа можност да земат учество во активности наменети за матуранти Роми со цел нивно поттикнување за продолжување на образованието и запишување на факултет во академската 2018/2019.
За таа цел, Ромаверзитас реализираше циклус од три интензивни работилници на тема „Професионална ориентација и кариерно планирање“, на кои учество земаа 23 матуранти Роми од Скопје, Тетово, Гостивар, Куманово, Битола.
Ангажираните експерти од БАС, Маја и Горазд Смилевски, преку соодветна програма, дискусии и тестирања, ги ориентираа матурантите на кој факултет е најпогодно да се запишат согласно нивните афинитети, знаења и капацитети покажани на тестирањето. Исто така, при спроведување на работилниците, секој матурант произлезе со краен продукст, односно свој иднивидуален кариерен план кој ќе им биде од голема корист во нивното понатамошно градење и зајакнување како идни студенти и академски граѓани.
Целта на оваа активност е да се помогне на матурантите при нивното одлучување за идна професија, како и олеснување на тој пат преку совети, индивидуални тестови и анализи, како и индивидуални кариерни планови.
Проект: „Ромаверзитас – со поддршка и развој кон лични и колективни еднакви пристапи и можности“. Овој проект е финансиран од Ромскиот Образовен Фонд од Будимпешта.