Ромаверзитас - со поддршка за развој кон лични и колективни еднакви пристапи и можности
Ромаверзитас ги прогласи најдобрите студенти
- Детали
- Објавено: Четврток, 19 Април 2018 10:59
- Посети: 12627
Четири студенти Роми во Ромаверзитас беа прогласени и наградени за најдобри студенти во академската 2016/2017 година, во просториите на Македонскиот Народен Театар, на настан по повод 8 април – Меѓународниот ден на Ромите. Изборот се направи само од корисниците на организацијата во претходната академска година врз основа на висината на нивниот среден просек на оцени и нивната вклученост во минатогодишните активности.
Претседателот на Здружението Елвис Мемети, ги поздрави најдобрите студенти и истакна дека е предизвик да се даде придонес во зајакнувањето на студентите Роми и да се овозможи на ромската заедница активно да придонесува и реализира заеднички вредности.
-Успехот на нашите најдобри студенти е и наш успех. Нека успехот нивен биде поттик и пример за другите. Ние, преку нашите најдобри студенти зборуваме за сите. Тоа што денес го создаваме, го оставаме на нашите идни генерации – рече Мемети.
За најдобрите студенти во 2016/2017 беа прогласени:
- Лебишка Селоска - студент на Филолошки факултет „Блаже Конески“ – англиски јазик и книжевност при Универзитетот „Св. Кирил и Методиј“
- Хурија Мукаиповска – студент на Правниот факултет „Јустинијан Први“ – правни студии при Универзитетот „Св. Кирил и Методиј“
- Мухамед Ајваз - студент на Филозофски факултет, Институт за психологија при Универзитетот „Св. Кирил и Методиј“
- Сабина Рустемовска - студент на Медицинскиот факултет – општа медицина при Универзитетот „Св. Кирил и Методиј“
