Зголемување на пристапот и учеството на ученици Роми во средното образование и транзиција на пазарот на труд
Соработка на ЗГ Ромаверзитас со Меѓународниот Аеродром ТАВ - Скопје
- Детали
- Објавено: Петок, 26 Април 2019 12:02
- Посети: 1399
Во рамките на проектот „Зголемување на пристапот и учеството на учениците Роми во средното образование и транзиција на пазарот на труд“, финансиран од Европска Унија, проектниот тим оствари средба со Меѓународниот Аеродром ТАВ - Скопје за започнување на соработка во рамките на проектот.
На средбата беа презентирани проектните активности во рамките на проектот „Зголемување на пристапот и учеството на учениците Роми во средното образование и транзиција на пазарот на труд“, и „Зголемување на пристапот и учеството на студентите Роми во високото образование и транзиција на пазарот на труд“ кои се дел од регионалниот проект „Зголемени образвони можности за студенти и млади Роми во Западен Балкан и Турција“, спроведуван од Ромскиот Образовен Фонд, финансиран од Европска Унија.
На средбата беше отворена дискусија за можна соработка во делот на обавување на практиканство од страна на ученици и студенти Роми во Меѓународниот Аеродром ТАВ - Скопје со цел стекнување на работни навики, јакнење на комуникациските вештини, стекнување на оперативни и практични знаења и искуства кои ќе помогнат при настап на пазарот на труд.
Претставниците на Меѓународниот Аеродром ТАВ - Скопје, истакна дека се отворени за соработка и дека истата ќе биде во полза и од корист на ТАВ, студентите и здружението на граѓани „Ромаверзитас“.
Како заклучок од средбата произлезе дека здружението на граѓани „Ромаверзитас“ и Здружението и Меѓународниот Аеродром ТАВ - Скопје во идниот период ќе бидат во постојан контакт и разгледување на сите можности за склучување меморандум за соработка во рамките на проектот „Зголемување на пристапот и учеството на учениците Роми во средното образование и транзиција на пазарот на труд“.
