Зголемување на пристапот и учеството на ученици Роми во средното образование и транзиција на пазарот на труд
Здружението на граѓани „Ромаверзитас“ – Скопје со финансиска поддршка во вид на стипендија за 25 средношколци Роми
- Детали
- Објавено: Вторник, 28 Јануари 2020 08:32
- Посети: 1137
На ден 20.01.2020 година во хотел „Континетал“ Скопје се одржа проектна церемонија за за презентација на проектните активности и потпишување на договори со корисниците на стипендија во учебната 2019/20 година во рамките на проектот „Зголемување на пристапот и учеството на учениците Роми во средното образование и транзиција на пазарот на труд“ кој е дел од регионалниот проект "Зголемени можности за образование на студенти Роми и млади Роми во Западен Балкан и Турција", финансиран од Европската Унија и Ромски образовен фонд.
На церемонијата беа презентирани идните активности на проектот кои што покрај финансиската поддршка за средношколци Роми опфаќаат и активности како што се менторство и туторство кои треба да го олеснат процесот за успешно завршување на средното образование, но и низа на активности поврзани со градење на капацитетите на средношколците преку зимска и летна школа, курсеви за работа со компјутери и активности кои треба да го олецнат настапот на пазарот на труд како што се подготовката на бизнис планови и платени работни пракси во организиации, фирми и институции.
По презентацијата на предвидените активности и дискусијата со прашања од средношколците Роми се премина кон потпишување на договори за користење на стипендија за учебната 2019/20 година со што во рамките на проектот „Зголемување на пристапот и учеството на учениците Роми во средното образование и транзиција на пазарот на труд“ Здружението на граѓани „Ромаверзитас“ – Скопје овозможи финансиска поддршка во вид на стипендија за 25 средношколци Роми.
