Ромаверзитас - со поддршка за развој кон лични и колективни еднакви пристапи и можности
Повик за активирање во проектите на Ромаверзитас
- Детали
- Објавено: Четврток, 25 Октомври 2018 10:30
- Посети: 4558
За да се зголеми вклученоста и квалитетот на активности од страна на студентите Роми, здружението на граѓани „РОМАВЕРЗИТАС“ ги повикува сите студенти и дипломирани Роми, како и алумнисти, да се пријават за вклучување во проектот “Ромаверзитас - со поддршка за развој кон лични и колективни еднакви пристапи и можности“.
На овој начин, Ромаверзитас ќе ги поддржи студентите во текот на студиите, ќе им помогне околу формирањето на личниот и академски развој и ќе поттикне зајакнување и вмрежување на ромската заедница. Сетот активности вклучува менторство, туторство, библиотека, курс по странски јазици, курс по компјутерска едукација, курс по Ромски јазик историја и култура и практиканство. Покрај овие активности, се потенцира и максималното учество на состаноци, работилници, преземање иницијативи и социјализација на студентите.
Право на аплицирање имаат сите редовни студенти или дипломирани Роми запишани во високообразовните институции во Македонија. Секој заинтересиран студент може да се пријави на е-платформата на Ромаверзитас со прикачување на потврда за редовен студент, скенирано уверение, скенирано свидителство од 4-та година средно училиште ( важи само за студентите во прва година на студии) и изјава за согласнот на корисникот. Пријавувањето трае до 25-ти октомври 2018.
ЛИНКОТ ДО ПОВИКОТ: https://bit.ly/2yvMHQb
За повеќе информации, заинтересираните може да се обратат следните денови во просториите на здруженитето „Ромаверзитас“ од 13 до 17 часот.
