Ромаверзитас - со поддршка за развој кон лични и колективни еднакви пристапи и можности
Ромаверзитас бара волонтери
- Детали
- Објавено: Сабота, 24 Ноември 2018 08:57
- Посети: 2443
Помош и поддршка во спроведување активности, во административни работи и односи со јавноста, развој на мултимедијални содржини (фотографии и видео), преводи и уредување на документи, волонтерско спроведување одредени професионални услуги и учество во активности за лобирање и застапување бара здружението на граѓани „Ромаверзитас“.
Според нив, идните волонтери своите знаења, вештини и услуги треба да ги стават во корист на ромската заедница и на здружението на граѓани „Ромаверзитас“ без финансика добивка.
Во повикот, од Ромаверзитас наведуваат дека волонтерската работа може да се спроведува од ноември годинава до август 2019 година, при што ќе се води евиденција за временскиот период на волонтирање, за времетраењето на волонтерската работа во текот на одреден месец и работите кои ги вршел волонтерот.
Ромаверзитас ќе издава волонтерска книшка по извршени најмалку 30 волонтерски часови. Исто така, ќе издава и Референтни писма (Препораки) за потребите за аплицирање за Програмата за стипендирање на Ромскиот образовен фонд (РЕФ) за академската 2019/2020 само на волонтерите кои ќе имаат реализирани најмалку 50 волонтерски часа до април 2019.
Како волонтер во здружението Ромаверзитас може да биде секое физичко лице со најмалку завршено средно образование, без разлика на пол, род, раса, возраст, етничка припадност, сексуална ориентација, религиозното, политичкото или друго убедување или други основи.
Повеќе информации на линк
