Ромаверзитас - со поддршка за развој кон лични и колективни еднакви пристапи и можности
Менторство за 15 додипломци
- Детали
- Објавено: Петок, 28 Декември 2018 20:38
- Посети: 1743
Универзитетски кадри, во текот на наредните пет месеци, ќе менторираат 15 студенти од прва година на додипломски студии. Ова го овозможи здружението на граѓани Ромаверзитас, овозможувајќи им на студентите Роми да соработуваат и да бидат менторирани од ментор кој ќе ги подучува, насочува, советува, охрабрува, мотивира и поддржува во развојот на нивните знаења, вештини и способности за реализирање на личните, академските и кариерните цели.
Според програмата, менторот треба да спроведува индивидуални средби од 240 минути во секој месец. Индивидуалниот план за менторските средби го дизајнира менторот во согласност со потребите на менторираниот и личната проценка на менторот во соработка со менторираниот. Индивидуалниот работен план треба да претставува водич за успешна реализација на индивидуалните менторски средби и да го следи развојот на менторираниот.
Во програмата учествуваат 13 ментори од повеќе универзитети, Универзитет „Св.Кирил и Методиј“, Универзитет „Гоце Делчев“, Универзитет „Св. Климент Охридски“, Универзитетот на Југоисточна Европа, вклучувајќи ментори од економскиот, правниот, филозофскиот, медицинскиот, педагошкиот факултет, како и факултетот за туризам и бизнис логистика.
Активноста менторство е дел од проектот „Ромаверзитас - со поддршка за развој кон лични и колективни еднакви пристапи и можности “ финансиран од Ромскиот образовен фонд (РЕФ) од Будимпешта.
Автор: Тимот на Рома Индекс
