Вклучени и активни млади
РОМАВЕРЗИТАС - ОПШТИНА ШУТО ОРИЗАРИ: СОРАБОТКА ЗА КРЕИРАЊЕ НА ЛОКАЛНА МЛАДИНСКА СТРАТЕГИЈА
- Детали
- Објавено: Вторник, 30 Јули 2019 12:48
- Посети: 1715
Здружението на граѓани ,,РОМАВЕРЗИТАС’’ – Скопје, во рамки на проектот ,,Активни и вклучени млади’’, потпиша меморандум за соработка со Општина Шуто Оризари. Целта на воспоставената соработка е да се поттикнат младите да бидат активни за младински прашања, да бидат активно инволвирани во процесите за креирање на младински политики и да бидат континуирано поддржани при нивното вмежување на форми на младинско организирање.
Оваа соработка се очекува да придонесе кон проценка на потребите на младите, креирање на младински политики и спроведување на активности за да се унапреди состојбата на младите и нивната улога на локално ниво.
Локалната самоуправа ќе го поддржи истоимениот проект преку активно учество со свои претставници, таа ќе обезбеди просторни капацитети за спроведување на проектните активности, човечки капацитети за изготвување на младинската стратегија и креирање на акциони планови.
Првата верзија од локалната младинска стратегија ќе биде разгледана од Општина Шуто Оризари и ќе послужи за понатамошно унапредување на Советот на млади во рамки на локалната самоуправа.
Проектот е имплементиран во рамки на грандот за младинско изразување спроведуван од Младински образовен форум, Центарот за балканска соработка – Љока и Младински сојуз – Крушево, а е финансиски поддржан од Европската Унија.
