Работилница на тема: Комуникација со јавноста и новинарско изразување
- Детали
- Објавено: Петок, 28 Октомври 2016 11:42
- Посети: 9624
На 22 Октомври 2016 беше одржана работилница на тема: Комуникација со јавноста и новинарско изразување во РОМАВЕРЗИТАС во Скопје. Со оваа работилница учесниците се запознаа со поимите информација, новост, вест и новинарство, со видовите медиуми и структура на медиуми. Покрај тоа, стекнаа знаења и вештини за вест, интервју, репортажа и други видови на новинарско изразување. Во попладневниот дел од работилницата учесниците се запознаа со поимот јавност и јавно мислење, кое беше основа за продуктивна интеракција и придонес на учесниците за концептот на електронското списание „Рома Индекс“. Учесниците, преку работа во групи и дискусија го изразија нивното размислување по однос на целта, содржината и уредувањето на „Рома Индекс“, електронското списание на Здружението на граѓани „РОМАВЕРЗИТАС“.
Работилница на тема: Техники за ефективно и ефикасно учење
- Детали
- Објавено: Четврток, 29 Септември 2016 11:41
- Посети: 12562
На 24 Септември 2016 година беше одржана работилница на тема: Техники за ефективно и ефикасно учење, како една од работилниците за зајакнување на академските способности на студентите Роми во рамки на проектот „Ромаверзитас - академска и друга поддршка за студенти Роми во Македонија“.
Работилницата имаше за цел учесниците да се стекнат со:
- познавање на техниките и стратегиите за ефикасно и ефективно учење
- препознавање на својот стил на учење
- запознавање со најзначајните современи методи за успешно учење
- ослободување од стресот пред испит
Работилница на тема: Техники за академско пишување
- Детали
- Објавено: Понеделник, 25 Јули 2016 11:40
- Посети: 10205
На 11 Јули 2016 година беше одржана работилница на тема „Техники за академско пишување“, како една од работилниците за зајакнување на академските перформанси и вештини на студентите Роми, во рамки на проектот “Ромаверзитас - академска и друга поддршка за студенти Роми во Македонија“.
Работилницата на тема „Техники за академско пишување“ имаше за цел да се запознаат студентите со техниките на пишување семинарски труд, есеј и научен труд, да ги применат стекнатите знаења во пишување на план за изработка на семинарски труд, есеј и научен труд и да ги применат стекнатите знаења и вештини во текот на нивното студирање.
Информативна средба со студенти Роми во академската 2016/2017 година - Скопје
- Детали
- Објавено: Четврток, 29 Септември 2016 11:40
- Посети: 9596
На 23 Септември 2016 година во Здружението на граѓани „РОМАВЕРЗИТАС" во Скопје беше одржана информативна средба со студенти Роми кои досега не беа корисници на проектните активности.
Целта на информативната средба беше да се информираат студентите Роми за Здружението на граѓани „РОМАВЕРЗИТАС", за активностите на проектот, како и за отворениот повик за вклучување на студенти Роми во активностите на проектот „Ромаверзитас - академска и друга поддршка на студенти Роми во Македонија“ за академската 2016/2017 година.
Доделени сертификати за успешно завршен курс по странски јазици во Скопје
- Детали
- Објавено: Петок, 15 Јули 2016 11:38
- Посети: 12473
На 27 Јуни 2016 година во Здружението на граѓани „РОМАВЕРЗИТАС“ во Скопје беа доделени сертификати за успешно завршен курс по странски јазици на студенти Роми кои студираат во Скопје, од кои 27 студенти Роми успешно завршија курс по Англиски јазик и 5 студенти Роми успешно завршија курс по Германски јазик.
Курсот по странски јазици беше реализиран во тримесечен период од страна на Центарот за странски јазици „ЛИНГВА ФРАНКА“.
Курсот по странски јазици е дел од Проектот „Ромаверзитас - академска и друга поддршка на студенти Роми во Македонија“ и има за цел да ги надгради индивидуалните знаења и вештини за странски јазици на студентите Роми.
