Одржана еднодневна работилница на тема: Техники на академско пишување
- Детали
- Објавено: Среда, 22 Февруари 2017 11:47
- Посети: 13105
На 18 Февруари 2017 беше одржана еднодневна работилница на тема: Техники на академско пишување. На оваа работилница присувствуваа студенти Роми од Скопје, Штип и Тетово кои се запознаа со основната структура на еден есеј, критичка анализа на туѓ текст (есеј), основните сегменти на добро напишан есеј (структура, техничка среденост, јазична правилност, стил), основни видови на есеј, основна структура на семинарски труд и разлики помеѓу есеј и семинарски труд.
Работилница на тема: Методологија на научно истражувачка работа
- Детали
- Објавено: Среда, 04 Јануари 2017 11:47
- Посети: 10544
На 17 и 24 Декември 2016 беше одржана дво-дневна работилница на тема: Методологија на научно истражувачка работа. На оваа работилница присувствуваа студенти Роми од Скопје, Штип и Тетово кои се запознаа со основните поими во научно истражувачката методологија, стекнаа способност за самостојно и/или менторски водено применување на основните методи во научно истражувачката работа на основно ниво и се информираа за дополнителни извори на информации (учебници, водичи и останата литература) за обработената тема за понатамошно образование и усовршување. Сите овие концепти, кои беа распределени во два дена поради нивно поуспешно совладување, ги поттикнаа студентите да споделат искуства и чести грешки во оваа област кои преку интеркативен пристап ги надминаа и се здобија со основата за подготовка на идна научно истражувачка работа.
Работилница на тема: Менаџирање на време за ефективно учење
- Детали
- Објавено: Вторник, 13 Декември 2016 11:45
- Посети: 10630
На 26 Ноември 2016 беше одржана работилница на тема: Менаџирање на време за ефективно учење. На оваа работилница присувствуваа студенти Роми од Скопје, Штип и Тетово кои се запознаа со концептите за тоа што е време како поим, менаџирање на времето, матрица за селекција на активности и нејзина имплементација и концепт на креирање на To-Do листа. На крајот научија како да имплементираат план за менаџирање на време и како да ги избегнат многуте така наречени „Крадци на време“.Сите овие теоретски концепти беа придружени со интерактивни игри со кои студентите меѓусебно разменија мислења за нивниот концепт за менаџирање на време што го применуваа до работилницата и што е она што треба да го променат во своето идно планирање на активностите.
Доделени сертификати за успешно завршен курс по компјутери во Скопје и Тетово
- Детали
- Објавено: Среда, 04 Јануари 2017 11:46
- Посети: 12698
Во Ноември и Декември 2016 година во Здружението на граѓани „РОМАВЕРЗИТАС“ во Скопје и Тетово, беа одржани курсеви по компјутери за студенти Роми со цел стекнување со основни и напредни вештини за работа со програмите Microsoft Word, Excel и Power Point 2013. По завршувањето на курсот, со сертификат за успешно завршен курс по компјутери се стекнаа 39 студенти од Скопје и 10 студенти од Тетово.
Доделени сертификати за успешно завршен курс по компјутери во Скопје, Штип и Тетово
- Детали
- Објавено: Понеделник, 28 Ноември 2016 11:44
- Посети: 10246
Во Октомври и Ноември 2016 година во Здружението на граѓани „РОМАВЕРЗИТАС“ во Скопје, Тетово и Штип, беа одржани курсеви по компјутери за студенти Роми со цел да ги подобрат нивните вештини за работа со компјутери, односно да се стекнат со основни и напредни вештини за работа со програмите Microsoft Word, Excel и Power Point 2013. По завршувањето на курсот, со сертификат за успешно завршен курс по компјутери се стекнаа 42 студенти од Скопје, Тетово и Штип.
Овие курсеви по компјутери се дел од проектот „Ромаверзитас – академска и друга поддршка на студенти Роми во Македонија“, кој е финансиски поддржан од Ромскиот Образовен Фонд (РЕФ), Будимпешта.
