Ромаверзитас Македонија и Ромаверзитас Косово потпишаа меморандум за соработка
- Детали
- Објавено: Вторник, 19 Февруари 2019 10:23
- Посети: 1750
На 17 февруари 2019 година во Хотел Континентал, Скопје, се потпиша меморандум за соработка помеѓу Ромаверзитас Македонија и Ромаверзитас Косово.
Целта на потпишаниот меморандум помеѓу македонското и косовското преставништво на Ромаверзитас беше: да се креираат подобри можности за образование во ромската заедница; да се зајакнат вмрежувањата и лобирањата за поддршка на образованито на Ромите; како и да се создаде подобро едукациско опкружување.
Проект за зголемување на образовните можности
- Детали
- Објавено: Сабота, 22 Декември 2018 11:05
- Посети: 1368
Нов проект за зголемување на образовните можности на студентите Роми од Западен Балкан и Турција почнуваат Европската Унија и фондацијата Отворено Општество. Проектот е имплементиран од Ромскиот образовен фонд (РЕФ) и ќе придонесе до подобрување на вработувањето на младите Роми преку обезбедување непрекината транзиција на студентите од образование до работно место.
Кристијан Даниелсон (Christian Danielsson), генерален директор за европска политика на соседство и преговорите за проширување, при потпишувањето на проектот потенцира дека треба да се намалат разликите во вклученоста во образованието меѓу младите Роми и не-ромите.
Одиграна претставата „Злосторникот“
- Детали
- Објавено: Недела, 09 Декември 2018 10:00
- Посети: 1561
Тажниот и трауматичен дел од минатовековната ромска историја често се зборува и се интерпретира во различни форми за да се покаже жалење, но и да се пренесе порака дека се сеќаваме и апелираме вакво нешто никогаш повторно да не се дозволи и да не се повтори.
Целта од оваа трагедија беше да се пренесе тажното минато на ромскиот народ и монструозните убиства што нацистите ги извршиле за време на Втората Светска војна. Сцените од оваа претстава се однесуваат конкретно за нацистичкиот концентрационен камп Јасеновац или популарно нарекуван балканскиот „Аушвиц“, каде се убиени околу 20.000 Роми.
Да ги поддржиме оние што нè поддржаа – акција на неформална група за помош на РЕФ
- Детали
- Објавено: Четврток, 20 Декември 2018 08:50
- Посети: 1677
На 17-ти Ноември во просториите на Ромскиот Едукативен Фонд (РЕФ) настана пожар. За среќа, нема повредени од настанатиот пожар, но, овој немил настан предизвика голема материјална штета која е проценета на над 50 000 евра. Согласно на тоа, на една од најголемите Фејсбук групи, Romaversitas Macedonia Official Group, која брои над 1200 членови, корисници на стипендии од РЕФ, предложија и поттикнаа иницијатива за собирање на средства од сите поранешни и сегашни корисници на стипендии од РЕФ од Р.Македонија.
Ромаверзитас ќе учествува во проектот „Зголемени можности за образование на учениците Роми и младите од Западен Балкан и Турција"
- Детали
- Објавено: Вторник, 04 Декември 2018 10:50
- Посети: 1411
Здружението на граѓани Ромаверзитас од Македонија е една од 13-те партнерски организации кои ќе учествуваат во спроведување на проектот "Зголемени можности за образование на учениците Роми и младите од Западен Балкан и Турција", финансиран од Европската Унија. Избраните организации ќе работат на проширување и подобрување на пристапот до квалитетно образование во раното детство и во основното училиште, зголемување на квалитетот на кадарот за вработување на средношколците Роми и зголемување на пристапот и учество на учениците во високо образование и транзиција кон пазарот на труд.
