Курс по ромски јазик, историја и култура
- Детали
- Објавено: Петок, 08 Јуни 2018 14:33
- Посети: 13585
Во периодот февруари-мај 2018 година се спроведе курс по ромски јазик, историја и култура, на кое земаа учество 32 студенти и алумнисти корисници на Ромаверитас.
Студентите и алумнистите се здобија со основни знаења од областа на јазикот, културата и книжевноста на Ромите, местото на ромскиот јазик во општеството, контактите со другите јазици и со историјата на ромскиот јазик, традиционалната култура на Ромите и разликата помеѓу номадските и седентарните Роми.
Вклучување на матуранти Роми во високото образование
- Детали
- Објавено: Петок, 08 Јуни 2018 14:31
- Посети: 11067
Матуранти Роми од повеќе градови на Македонија имаа можност да земат учество во активности наменети за матуранти Роми со цел нивно поттикнување за продолжување на образованието и запишување на факултет во академската 2018/2019.
За таа цел, Ромаверзитас реализираше циклус од три интензивни работилници на тема „Професионална ориентација и кариерно планирање“, на кои учество земаа 23 матуранти Роми од Скопје, Тетово, Гостивар, Куманово, Битола.
Ромаверзитас ги прогласи најдобрите студенти
- Детали
- Објавено: Четврток, 19 Април 2018 10:59
- Посети: 12623
Четири студенти Роми во Ромаверзитас беа прогласени и наградени за најдобри студенти во академската 2016/2017 година, во просториите на Македонскиот Народен Театар, на настан по повод 8 април – Меѓународниот ден на Ромите. Изборот се направи само од корисниците на организацијата во претходната академска година врз основа на висината на нивниот среден просек на оцени и нивната вклученост во минатогодишните активности.
Претседателот на Здружението Елвис Мемети, ги поздрави најдобрите студенти и истакна дека е предизвик да се даде придонес во зајакнувањето на студентите Роми и да се овозможи на ромската заедница активно да придонесува и реализира заеднички вредности.
Признанија за Роми алумнисти
- Детали
- Објавено: Четврток, 19 Април 2018 11:05
- Посети: 13003
Здружението на граѓани “Ромаверзитас“ по повод Меѓународниот ден на Ромите додели признанија на дипломираните студенти – алумнисти. Со ова, организацијата ја потврдува својата мисија да продуцира успешни студенти Роми и да ги интегрира во македонското општество.
Студентите Роми со импресивни говори
- Детали
- Објавено: Петок, 13 Април 2018 10:45
- Посети: 11731
Фасцинантни ставови и реални препораки беа изречени на Ораторските настапи по повод 8 Април - Меѓународниот ден на Ромите. Тие говореа на тема „Ромскиот народ - Минато, Сегашност и Иднина“.
Руфат Демиров, студент на Политички студии на Правниот факултет „Јустинијан Први” Скопје, во својот говор на тема „Уште само гасни комори ни фалат“ упати порака дека „историјата за угнетувањето на Ромите не треба да се игнорира за да не се дозволи дел од неа да се повтори. Не треба да се дозволи минатовековната европска историја да се пренесе во денешното донесување на одлуки за политики поврзани со Ромите. Македонија треба да ги почитува човековите права на секоја индивидуа без разлика на пол, етничка припадност и религија“, рече Демиров.
