Добродојдовте на веб страната

Ромскиот народ - минатост, сегашност, иднина

Детали: Објавено: 13 Април 2017; Посети: 10474

На ден 07 Април 2017 се одржа настан за ораторски настапи на тема „Ромскиот народ - минатост, сегашност, иднина“ се со цел одбележување на Меѓународниот ден на Ромите - 8ми Април.

На овој настан 7 говорници Роми говореа на различни теми кои се актуелни за Ромскиот народ денес, а се поврзани и со минатото, сегашноста и иднината на Ромите.

По завршувањето на делот со говорите, се разви и богата дискусија со многубројната публика во Музејот на македонската борба во Скопје.

Во прилог проследете го фото албумот во кој сликите зборуваат сами за себе. Благодарност до говорниците, менторот Лазар Ѓуров и сите што земаа збор во делот со дискусијата од тимот на ЗГ „РОМАВЕРЗИТАС“.

Повеќе...

Работилница на тема: Идентитет и Ромско движење

Детали: Објавено: 21 Март 2017; Посети: 10093

На 18 Март 2017 беше одржана еднодневна работилница на тема: Идентитет и Ромско движење. На оваа работилница присувствуваа студенти Роми од Скопје, Штип и Тетово кои се запознаа со концептот на Идентитет и свесност за сам себе, разноликоста на идентитетот на една личност, факторите кои влијаат врз изградбата на личниот и колективниот идентитет како и површна анализа на етничкиот и политичкиот идентитет на Ромите во Македонија. При процесот на усвојувањето на сите горенаведени точки се дискутираше на табу теми од областа на етничкиот и политичкиот идентитет на Ромите во Македонија.

Повеќе...

Одржана еднодневна работилница на тема: Ромски јазик, историја и култура

Детали: Објавено: 13 Март 2017; Посети: 10434

На 11 Март 2017 беше одржана еднодневна работилница на тема: Ромски јазик, историја и култура. На оваа работилница присувствуваа студенти Роми од Скопје, Штип и Тетово кои се запознаа со потеклото на јазикот на Ромите, основите на ромскиот јазик (народен и литературен), основните обележја на ромската култура и традиционалните културни вредности.

Воедно, го изучија и патот на преселбата на Ромите со акцент на појаснувањето на патешествието на Ромите од Индија до сите делови на светот и приближување на историските придобивки на Ромите до помладата генерација.

Повеќе...

Студиска посета во Република Бугарија

Детали: Објавено: 28 Февруари 2017; Посети: 3788

Од 03-05 Март 2017 година во Софија, Р. Бугарија, се одржа студентска посета во Р. Бугарија се со цел размена на информации и добри практики од имплементацијата на проектот РОМАВЕРЗИТАС во двете земји.

Во тие три дена, двете земји учеснички меѓусебно го презентираа нивниот модел на работа во своите организации и имаа дискусии за практиките, програмите и активностите. Проектниот менаџмент на двете организации заедно со своите студенти претставници дискутираа за начини на вмрежување и дадоа меѓусебен фидбек за проектните активности.

Повеќе...

Страница 85 од 91

КАЛЕНДАР НА АКТИВНОСТИ

	А К Т И В Н О С Т И	ПЕРИОД
1.	ПРОМОЦИЈА И ПОТПИШУВАЊЕ НА ДОГОВОРИ СО КОРИСНИЦИТЕ НА СТИПЕНДИЈА – СТУДЕНТИ И СРЕДНОШКОЛЦИ	Јануари
2.	МЕНТОРСТВО ОД УНИВЕРЗИТЕТСКИ ПРОФЕСОРИ ДОКАЖАНИ ВО СВОЈАТА ОБЛАСТ 10 Ментори, за студенти на прва година запишани во приватните или државните универзитети во Република Северна Македонија	Февруари – Јуни
3.	ТУТОРСТВО ОД ПРОФЕСОРИ, АСИСТЕНТИ, КОЛЕГИ И ВРСНИЦИ УСПЕШНИ ВО ПРЕДМЕТНАТА ОБЛАСТ 30 студенти од сите студиски години запишани во приватните или државните универзитети во Република Северна Македонија, заради полесно совладување на материјата во предметната област.	Јануари - Август
4.	РАБОТНИ ПРАКСИ ЗА СТУДЕНТИ И СРЕДНОШКОЛЦИ Број : 20 Студенти 20 Средношколци 20 Ментори за средношколците при извршување на работната пракса Период : 3 Месеци Работни пракси во институции, НВО, приватни фирми и компании	Јануари - Август
5.	БИБЛИОТЕКА НА РОМАВЕРЗИТАС Студенти и корисници на Ромаверзитас. Набавка на нови книги потребни за користење од страна на студентите на Ромаверзитас	Јануари - Август
6.	МЕСЕЧНИ СОСТАНОЦИ СО СТУДЕНТИТЕ НА РОМАВЕРЗИТАС И КВАРТАЛНИ СОСТАНОЦИ СО СТУДЕНТИ И СРЕДНОШКОЛЦИ КОРИСНИЦИ НА СТИПЕНДИЈА	Јануари - Август
7.	НАДОГРАДБА НА ПЛАТФОРМА Еромаверзитас И МОБИЛНА АПЛИКАЦИЈА ЗА РЕГИСТРИРАЊЕ НА СИТЕ СТУДЕНТИ И КОРИСНИЦИ НА РОМАВЕРЗИТАС	Јануари - Август
8.	ПОДРШКА ЗА ОРГАНИЗИРАЊЕ ,ФОРМИРАЊЕ И ФУНКЦИОНИРАЊЕ НА УНИЈА НА МЛАДИ НА РОМАВЕРЗИТАС Дебати, номинација и наградување на најдобрите студенти на генерацијата, Подршка на СИП (студентски иницијативи, кампањи), регистрирање во платформата ЕРомаверзитас и користење на мобилна апликација еРомаверзитас.	Јануари – Август
9.	ЗАБАВА, ПИКНИК, ТЕАТАР, ФИЛМСКА ВЕЧЕР И ДРУГИ ИНИЦИЈАТИВИ	Јануари – Август
10.	РОМА ИНДЕКС Број на вклучени лица: 5 лица и еден ментор	Јануари - Август
11.	ОДБЕЛЕЖУВАЊЕ НА ВАЖНИ ДАТУМИ ЗА РОМСКИОТ НАРОД	Јануари - Август
12.	КУРС ЗА КОМПЈУТЕРИ Број : 7 студенти на Ромаверзитас и 10 матуранти	Јануари - Август
13.	ПОДГОТОВКА НА БИЗНИС ПЛАНОВИ ЗА МАТУРАНТИ	Јуни – август
14.	ЗИМСКА БИЗНИС ШКОЛА ЗА СТУДЕНТИ ЗА ГРАДЕЊЕ КАПАЦИТЕТИ ЗА НАСТАП НА ПАЗАРОТ НА ТРУД Број : 20 Студенти, Локација: надвор од Скопје, 4 ноќевања	Февруари
15.	ЗИМСКА ШКОЛА ЗА СРЕДНОШКОЛЦИ РОМИ НА ТЕМА : - ИДЕНТИТЕТ, ВЛАДЕЊЕ НА ПРАВО, ПОЛИТИЧКА КУЛТУРА И ДЕМОКРАТИЈА И - ГРАДЕЊЕ НА КАПАЦИТЕТИ ЗА ЗГОЛЕМУВАЊЕ НА ВРАБОТЛИВОСТА И НАСТАП НА ПАЗАРОТ НА ТРУД НА СРЕДНОШКОЛЦИ РОМИ Број : 40 Средношколци, Локација: надвор од Скопје	Февруари
16.	ДВОДНЕВНА РАБОТИЛНИЦА НА ТЕМА: АКТИВИЗАМ И УЧЕСТВОТО НА ОБРАЗОВАНИ РОМИ ВО ЈАВНИТЕ ПОЛИТИКИ Број : 20 учесници Локација: надвор од Скопје	Февруари
17.	СЕМИНАР НА ТЕМА: АКАДЕМСКИ ТЕХНИКИ И АКАДЕМСКО ПИШУВАЊЕ - Управување со време и Приоритизација, - Кооперативно учење и делегирање, Истражување Анализа - Академско пишување и критично размислување Број : 45 Студенти, Локација: надвор од Скопје	Април
18.	ПРОФЕСИОНАЛНА ОРИЕНТАЦИЈА И КАРИЕРНО СОВЕТУВАЊЕ И ПЛАНИРАЊЕ Број : 25 средношколци Локација: Ромаверзитас	Мај
19.	ДВОДНЕВНА РАБОТИЛНИЦА НА ТЕМА: ПИШУВАЊЕ НА ЈАВЕН ДОКУМЕНТ И МЕНТОРСТВО ЗА ПОДГОТОВКА НА POLICY BRIEF Број : 17 учесници, Локација: надвор од Скопје	Мај
20.	ИНФОРМАТИВНИ И МОТИВАЦИСКИ СРЕДБИ СО МАТУРАНТИ	Мај – Август
21.	ТУТОРСТВО ЗА МАТУРАНТИ И ПОДГОТОВКА ЗА ПОЛАГАЊЕ НА ИСПИТИ за наставните предмети по математика, јазик, странски јазик и друг стручен предмет	Мај - Јуни
22.	ВРСНИЧКО МЕНТОРСТВО ЗА СРЕДНОШКОЛЦИ Ангажирање на 10 ментори Роми, алумни на РВ за период од 2 месеци Опфатени 20 средношколци	Април - Мај
23.	РЕГИОНАЛНА ЛЕТНА ШКОЛА ЗА СТУДЕНТИ НА ТЕМА ПРОФЕСИОНАЛЕН РАЗВОЈ И СТЕКНУВАЊЕ НА ВЕШТИНИ ЗА ВМРЕЖУВАЊЕ И НАСТАП НА ПАЗАРОТ НА ТРУД Број: 45 учесници, Локација: надвор од Скопје	Јули - Август
24.	ЛЕТНА ШКОЛА ЗА СРЕДНОШКОЛЦИ ЗА ПРОФЕСИОНАЛЕН РАЗВОЈ И СТЕКНУВАЊЕ НА ВЕШТИНИ Број: 27 учесници, Локација: надвор од Скопје	Јули - Август

Активни повици и конкурси

Донатори

РОМА ИНДЕКС АКТИВИЗАМ - РОМА ИНДЕКС БР.14

Линк од електронски весник

Корисници на проектот
„Ромаверзитас - со поддршка за развој кон
лични и колективни еднакви пристапи и можности“
во академска 2018-19
Studenti Romi na dodiplomski studii.pdf
Alumnisti na Romaverzitas.pdf

Соработници

АЛУМНИТЕ И СТУДЕНТИТЕ ЗА РОМАВЕРЗИТАС

Мелиса Кариман - Студент на приватниот универзитет СЕЕУ во Тетово

За мене РОМАВЕРЗИТАС претставува организација која им дава бескрајна поддршка на студентите Роми, за нивното градење на нивниот академски профил, преку разни едукативни работилници, проекти и други можности кои ги нуди организацијата. Лично за мене претставува одлична можност за академскиот развој лично надоградување и полесен начин до остварување на нашите цели, како и место за споделување на знаења.

Тања Крстевска - дипломиран социјален работник, постдипломец на Менаџмент на човечки ресурси во јавна аднистрација, при УКИМ

За мене Ромаверзитас претставува можност за учење, надоградување и капацитетите,соработка и размена на знаења и искуства меѓу студентите и алумните, како и место на кое што се собира и спојува ромската интелектуална маса која во иднинина треба да се насочи кон превземање на важни процеси кои се во интерес на заедницата а го засегаат и општеството во кое живееме.

Ангелова Цвета, студентка на Филозофски факултет, Институт за социологија, УКИМ

Место каде што се чувствувам удобно и прифатено. Неизмерната поддршка и простор за дружење, исто така запознав нови луѓе од кои сум позитивно изненадена и со настаните организирани од страна на Ромаверзитас си го надоградувам своето знаење.

Џенгис Бериша, дипломиран правник, МСУ - Битола

РОМАВЕРЗИТАС претставува здружение на РОМИ со ВИЗИЈА, место каде се сплотени студенти со интелектуален интегритет и организација со јасно зацртана визија. Несебичното вложување на секој поединечно од тимот и елитата од студенти придонесува кон можности за развој во правилна насока и правец, професионална надоградба на секој студент и етаблирање на секој од нас во општеството со силен ентузијазам. Младите студенти и алумнисти на РОМАВЕРЗИТАС под дејство на соработка, дисеминација и интеракција придружено со знаења, вештини и моќ воспоставуваат определена рамка, бидејќи водени од максимата за вклучување во сите општествени текови веруваат дека тоа може единствено да се постигне само со интервенции од страна на сите сегашни и идни студенти, како и алумнисти кои се смислата за модерното човештво.

Јелдз Фета, студентка на Филозофски факултет -Дефектологија, УКИМ

"РОМАВЕРЗИТАС" за мене претставува институција за надоградба на своето знаење и вештини. Место каде сите се собираат меѓусебно и несебично ги делат информациите, знаењата и други работи со различни генерации на студенти. Најважното е тоа што секој студент, па така и јас РОМАВЕРЗИТАС го гледам како пат, сигурен пат по кој чекорам за да ги постигнам посакуваните цели.

Ферик Сулејманов, дипломиран менаџер по бизнис логистика, УГД

„Ромаверзитас“ за мене претставува меѓузависно вмрежување на различни профили на луѓе. Различни карактери, луѓе со различни гледишта на проблемите со кои се соочуваат Ромите, но со една заедничка цел - откоренување на негативните стереотипи и предрасуди со кои се соочуваат Ромите и претставување на вистинската слика за Ромите, односно „Ромаверзитас“ е гнездо каде професионално се надоградуваат образовани, дипломирани, алумни, интелектуалци - Роми.

Риан Ракип, студент на Правниот факултет при МИТ Универзитет

Пред се Ромаверзитас ја гледам како невладина организација создадена ОД РОМИТЕ ЗА РОМИТЕ чија цел е да им помогне на Ромите студенти.Но, иако Ромаверзитас воглавно е НВО за студентите, ја поткрепува младината и ја гради иднината на ромското општество во повеќе сфери бидејќи како што се вели младината се нашата иднина. Младите студенти, дипломираните или идните студенти се помогнати во повеќе сфери, што го опфаќа нивното студирање но и ги поткрепува да одат понатаму. Преку работилници,семинари студентите научија многу работи кои ги користат не само во нивното учење, студирање туку и нивниот живот. Ромаверзитас ја гледам како фамилија, не само јас туку и сите студенти, бидејќи низ тешките моменти секогаш сме заедно и еден на друг си помагаме. Благодарам за Ромаверзитас.

Семра Берат, дипломиран економист на Универзитет за Туризам и Менаџмент во Скопје, запишана на мастер студии

Ромаверзитас за мене претставува одлична организација која на нас студентите Роми ни помага во текот на нашето студирање и по завршувањето.Која ни нуди, стипендии,курсеви, дебати, настани, техники при учењето,што ќе ми помогне во текот на моето студирање.Јас сум среќна што сум дел од Ромаверзитас и што запознав нови пријатели и стекнав многу знаења.

Аријета Тахири, студентка на Медицински факултет, УКИМ

Ромаверзитас прераснува во големо семејство од каде се гради темел за нови промени од младите кон и за општеството . Место каде се формираше традиција која говори за : ВИЗИЈА, ИДЕЈА, ПЛАН, АКЦИЈА, РЕАЛИЗАЦИЈА. Делување заедно - ЕДИНСТВО !

Мухамед Ајваз, студент на постдипломски студии на политички науки и човекови права, ИСППИ, УКИМ

Ромаверзитас е сервис за студенти Роми кој нуди пакет на бесплатни услуги како на пример, туторство, менторство, курс по странски јазици, различни обуки за лично надоградување или накратко сето она што не го нуди формалното образование. Верувам дека во иднина, покрај градењето на капацитетите на студентите Роми, Ромаверзитас ќе се движи во насока на креирање на маса за политичко, институционално и правно застапување со цел менување и унапредување на состојбите на ромската заедница.

Мухаммед Етем, студент на Економски факултет, УКИМ

Ромаверзитас за мене претставува едно семејство каде што секој поединец корисник на Ромаверзитас може да се надогради како професионално, исто така и лично. Освен активностите за професионално развивање, Ромаверзитас нуди една многу топла атмосфера за дружење, соработка и разменување на идеи помеѓу студентите, но и вработените во Ромаверзитас. Како студент мене Ромаверзитас ми помогна да се надоградам професионално, исто така и лично преку комуникација со други студенти и со вработените.

Џемилиана Абдулова, студентка на Правен факултет, УКИМ

Ромаверзитас за мене претставува помош и поддршка на остварување нови знаења во области кои ни се потребни за професионални цели во иднина, исто така се и поддршка ако имаш идеја или тема тоа да се реализира.

Берат Берат, студент на Факултет за туризам и бизнис логистика, УГД

Ромаверзитас за мене претставува место каде што има една група на луѓе кои нас ни помагаат во нашето студирање. Исто така, Ромаверзитас го сметам и за место каде што ние младите воедно и се забавуваме и учиме нови работи, вештини и ред други работи кои нас ни помагаат и во секојдневието и во нашиот образовен систем. Оваа организација не само што нас ни помага да успееме во нашите цели туку и не мотивира, ни покажува пат кој ние го следиме со цел да ги исполниме нашите цели и да успееме во нашиот професионален живот.

Ајџан Маликоска, студентка на Медицински факултет, УКИМ

РОМАВЕРЗИТАС за мене претставува големо семејство каде сите заедно учиме, стекнуваме нови вештини, се надоградуваме и ги прошируваме нашите знаења. Место каде добиваме помош во надминувањето на потешкотиите со кои се соочуваме како студенти и поддршка за реализација на нашите цели. Стекнување нови пријателства кои меѓусебно се поддржуваат во реализација на заеднички иницијативи за подобра иднина на ромската заедница.

Сонита Фејзовска, студентка на Педагошки факултет, УКЛО, Битола

Ромаверзитас за мене претставува одлична можност за лично надоградување и полесен начин до остварување на моите цели. Работилниците, неформалните дружби, обуките и дебатите се методот за моето проширување на знаење, вештини и техники за понатамошниот развој.

Хајдар Зекир, студент на ФЕИТ, УКИМ

Ромаверзитас за мене претставува еден тим кој им помага на студентите полесно да се соочат со обврските околу студирањето и полагање на испити. Во Ромаверзитас студентите имаат можност да се запознаат со нови студенти, да разменат многу информации, да си помагаат меѓусебе, да се дружат, да шират голем круг на друштво. Ромаверзитас дава можност за туторства и учење на странски јазици од кои студентите имаат голема корист. Се соработува со многу добри обучувачи кои оддржуваат многу корисни работилници каде што студентите се запознаваат со работи кои им се од корист и се стекнуваат со нови вештини после секоја работилница. Ромаверзитас им овозможува на студентите многу други активности кои се надвор од формалното образование каде студентите се дружат и им е забавно.

Идриз Дурмиш, студент на Природно-математички факултет, УКИМ

Ромаверзитас за мене претставува круцијален фактор за личен и професионален развој, надоградување, образување, како и дружење. Ромаверзитас помага во формирање на вистински академски граѓани со критичко размислување и делување во сите општествени сфери. Од друга страна, Ромаверзитас претставува широко отворена капија кон различни погледи, начини на размислување, но и дружење и формирање доживотни пријателства и од државата и од странство.

Селика Аљиљи, студентка на Економски факултет, УКИМ

Ромаверзитас за мене претставува место во кое ми е овозможено искажување на својот став, мислење, место кое овозможува надоградување на моите лични и професионални способности, место кое знам дека секогаш ќе бидам добродојдена како студентка Ромка. Во Ромаверзитас, како корисник и одвреме навреме како волонтер, сум од прва година и можам да кажам искуството досега што го имам здобиено од оваа институција има позитивна промена врз мојата личност како академски граѓанин.

Ервин Мамути, студент на Правен факултет, УКИМ

За мене Ромаверзитас пртставува организација која дава услови и можности за студенти Роми, за нaшиот личен развој, полесен начин за остварување на нашите цели. Ромаверзитас како една организација ни дава можност да бидеме вклучени во едукативни работилници, проекти и други активности кои ги нуди организацијата.

Ариф Адеми, студент на Правен факултет, УКИМ

За мене Ромавезитас е место во кое младите (студенти) Роми имаат можност за дружба. но исто така и за професионален и личен напредок. Ромаверзитас за мене претставува многу повеќе од невладина организација поради љубезниот тим во кој што се млади личности кои лесно ги препознаваат потребите на младите и секогаш максимално се трудат за исполнување на истите.

Ферзије Асаноска, студентка на Економски факултет Прилеп, УКЛО

За мене организацијата РОМАВЕРЗИТАС претставува второ мое најголемо семејство. Зошто семејство? Таму ги пронајдов личностите што ги имаат и што ги делат сличните ставови и интереси што ги имам јас лично за развој на нашата ромска заедница. Таму ги сретнав личностите на кои што прв приоритет им е ромскиот народ, ромскиот идентитет, ромската традиција претставена преку ромската култура и јазик. Токму таму се наоѓаат личностите што можат да ми помогнат да ги остварам моите академски и животни цели како што е мојата идна кариера и нејзиниот развој.

Кенан Таир, студент на ФИНКИ, УКИМ

Простор за креативно изразување, чувство на вредност, припадност и можности кои го развиваат нашето неформално образование и ни помагаат да го завршиме формалното, ете ова за мене претставува РОМАВЕРЗИТАС.

Сунај Демиров, студент на Економски факултет, УКИМ

Ромаверзитас за мене претставува можност да ги споделувам и применувам моите знаења истовремено надоградувајќи ги, во фина тимска атмосфера.

Емануел Мухаџери, студент на Филозофски факултет, УКИМ

РОМАВЕРЗИТАС за мене претставува одлична можност за лично надоградување на нашето знаење, можност за полесно достигнување на нашите цели. Место кадешто можеме да се дружиме со други образовани Роми и не-Роми кои со својата самодоверба успеваат да те охрабрат, место каде што споделуваме наше знаење и добиваме друго знаење, соба полна со љубов, почит и разбирање, место кое ќе ми остане во сеќавање. Би сакал еден ден и моите деца да имаат таква можност.

Суда Дехари, апсолвентка на Педагошки факултет во Скопје

За мене Ромаверзитас преставува втор дом, бидејќи од таму научив како да се справам со проблемите воопшто. Тимот на вработените од Ромаверзитас е отворена врата каде што сите се гостопримливи и мили, тука се да им помогнат и мотивираат студентите како да ги решаваат проблемите на факултет и како полесно да се стекнат со знаења и вештини за да можат во иднина да застанат на свои нозе и да го гледаат светот со поинаква позитивна перспектива. Ромаверзитас овозможува студентите да имаат и неформално образование, односно со помош на активностите кои ги нуди самата организација им помага на студентите полесно да ги совладуваат вештините и знаењата, а покрај тоа и целта која сакаат да ја постигнат.

Руфат Демиров, апсолвент на политички студии на факутлетот „Јустинијан Први“, УКИМ

За мене Ромаверзитас претставува семејство. Семејство на млади, енергични, здужени, солидарни студенти и алумни. Тука секако е и феноменалниот тим на вработени. Една фина и мила Сеара. Една слатка и симпатична Инес која плени со својата насмевка и не полни со позитивна енергија. Си ја имаме и нашата драга Фикрија која со мајчински совети не насочува и советува, создава интелигентни луѓе од нас. И секако, тука е и нашиот драг Силхан, наш менаџер и брат, пријател и ментор! Сите ние заедно го сочинуваме нашето Ромаверзитас семејство, каде заедно се радуваме на успесите на нашите другари и другарки, заедно прославуваме, заедно играме, но и тагуваме. Верувам дека Ромаверзитас засекогаш ќе биде ептен битен дел од нашиот живот, без разлика каде животот ќе не однесе и колку ќе бидеме приморани да пораснеме. Ромаверзитас создаде пријателства кои траат и ќе траат уште многу многу долго. Но, покрај неформалната дружба, во Ромаверзитас се создаваат и билдаат јаки интелектуалци и луѓе кои се челичат и добиваат самодоверба да застанат гордо зад својот идентитет. Ромаверзитас, фала за се! Животот ќе ме однесеше на сосема трети патишта ако не постоеше Ромаверзитас! Се гледаме на врвот, таму каде што не подготвувате да се искачиме!

Facebook

Фотогалерија

Прегледај ја оваа галерија

Ромскиот народ - минатост, сегашност, иднина

Работилница на тема: Идентитет и Ромско движење

Одржана еднодневна работилница на тема: Ромски јазик, историја и култура

Студиска посета во Република Бугарија

КАЛЕНДАР НА АКТИВНОСТИ

Активни повици и конкурси

Донатори

Соработници

АЛУМНИТЕ И СТУДЕНТИТЕ ЗА РОМАВЕРЗИТАС

Фотогалерија

Видео