Ромаверзитас на средби со матурантите Роми
- Детали
- Објавено: 02 Април 2018
- Посети: 10239
Информативни средби со матурантите Роми од средните училишта во Македонија одржуваат претставниците на здружението на граѓани „Ромаверзитас“. Целта на средбите е остварување комуникација со матурантите Роми за нивно понатамошно професионално ориентирање и кариерно планирање, како и за интегрирање во високото образование.
Овие средби се организираат во скопските средни училишта „Арсени Јовков“, „Д-р Панче Караѓозов“, „Васил Антевски – Дрен“, „Здравко Цветковски“, „Шаип Јусуф“, „Јосип Броз – Тито“, „Никола Карев“, „Орце Николов“, „Браќа Миладиновци“, „Марија Кири – Склодовска“, „Владо Тасевски“, „Боро Петрушевски“ и „Кочо Рацин“.
Кои фактори ги мотивираат младите Роми да продолжат со своето образование?
- Детали
- Објавено: 02 Април 2018
- Посети: 11026
Главни мотивациски фактори за продолжување на образованието кај Ромите се желбата за подобар животен стандард и подобра работна позиција, желбата и љубовта за успешен професионален и академски развој и волјата за вложување во ромската заедница. Ова го покажа спроведената анкета насловена како „Што те мотивира да продолжиш да се образуваш“.
За да се реализираат овие предуслови, велат испитаниците во анкетата, важни се семејната поддршка, инспирацијата од успешните Роми и финансиските можности овозможени од фондовите за ромската заедница.
Во анкетата, од контактирани 80 Роми од прв и втор циклус на студии, одговорија 50 студенти. Според нив, со стекнување поголема титула се менува веќе познатата слика за Ромите, сé има поголемо влијание врз вклученоста и унапредување на општеството и општествените процеси.
Отворен повик за студенти Роми за Централно-Европскиот Универзитет во Будимпешта
- Детали
- Објавено: 26 Март 2018
- Посети: 8750
Дипломираните Роми може да аплицираат на Ромската програма за подготовка за дипломирани Роми (РГПП (Roma Graduate Preparation Program)) на Централно-Европскиот Универзитет во Будимпешта, Унгарија. За да може да аплицирате за оваа програма, треба да бидете дипломиран, посебно од областите на општествените или хуманистичките науки, да знаете англиски јазик, да имате лидерски способности и да сакате да студирате во мултикултурна и интернационална околина. Важно е да се потенцира дека програмата го подготвува кандидатот за работни места засновани на заслуги, но не гарантира дека студентот ќе биде примен на друга магистерска програма на ЦЕУ или друг универзитет.
Повик за доставување на коментари на Предлог - Декларација за Стратешките интереси на Ромите во Република Македонија
- Детали
- Објавено: 19 Март 2018
- Посети: 1760
Групата за Заложба и Единство на Ромите во Република Македонија Ве информира дека во претходниот период, различни групи – претставници на политички партии, граѓанскиот сектор, бизнисмени, лингвисти, историчари, студенти и алумни, вработени во јавната администрација, ромската заедница и ромски медиуми, разговараа и дебатираа за своите интереси, приоритети и заеднички заложби на Ромите во Република Македонија. Како резултат беше изготвена и Декларација за Стратешки интереси на Ромите во Република Македонија.
Со цел поголем опфат и видување на пошироката јавност за овој значаен документ Ве повикуваме да дадете придонес со Ваши мислења и ставови по однос на овој документ.
На следниот линк може да пристапите до: Предлог - Декларација за Стратешките интереси на Ромите во Република Македонија
Ве молиме Вашите коментари да ги доставите најдоцна до 03.04.2018 (вторник), 16:00 часот, во посебен документ, со реферирање на кој дел се однесуваат Вашите дополнувања на следната електронска пошта: Оваа е-адреса е заштитена од спамботови. Треба да ви е овозможено JavaScript за да ја видите." target="_blank">Оваа е-адреса е заштитена од спамботови. Треба да ви е овозможено JavaScript за да ја видите.
